أكدت وزارة التربية والتعليم والتعليم الفنى، أنه سيتم عقد اختبارات للمتقدمين للتعيين فى مسابقة 30 ألف معلم، تتضمن الكفايات السلوكية، والكفايات اللغوية وتضم اللغة العربية، وإحدى اللغات الأجنبية التي يذكر المتقدم انه يجيدها، والكفايات التكنولوجية والمعرفية، وتضم اختبارات الحاسب الآلي، والمعلومات العامة)، إلى جانب اختبار الكفايات التربوية واختبارات في التخصص.
وأوضحت أنه سيتم توقيع الكشف الطبى على المتقدمين وأيضا إجراء تحليل مخدرات، لافتة إلى أن الاختبارات ستعقد إلكترونيا.
الأسئلة بتبقي اغلبها موحدة في جميع المسابقات عدا اسئلة التخصص الخاصة بالمتقدم ( معلم - محاسب- مهندس) لكن باقي الفروع بتأتي علي نفس الطريقة
الأسئلة من واقع مسابقة وزارة الأوقاف منذ اسابيع قليلة
١/ الجدارات والمهارات
جالي فيها أسئلة تعتبر بتقيم شخصيتك وتحليلها ويشوف رأيك فيها يعني يقول هل تعمل في وقت الضغوط نعم ام لا
وبرده بييجي فيها الكلمة ومعناها ومن الكلمات اللي جت حصيف ده معناها متدبر تحاول تعرف أقرب معنى للكلمة اللي عاوزها
وبرده بييجي في الجدارات أسئلة بتبين فكرك يعني زي هل تؤمن بفكرة وجود ديانة واحدة ؟ لازم النقطة دى تيجي لازم عشان يعرف فكرك إزاي واشباهها هتلاقيها
الجدارات وقتها تقريباً كان حوالي ساعه أو ساعة إلا ربع وكانت عبارة عن ١٢٠ نقطة وهكذا في الجدارات حاول تركز على كلمات ومعناها وهكذا نصيحة لوجه الله
٢/ اللغات والحاسب الآلي
أ/ اللغات العربي بتبقى حوالي ربع ساعة فيها ٢٠ نقطة
جالي ايه بقى العدد وأصبح اللي من أخوات كان وإن وأخواتها والتاء المربوطة والهاء وهمزة الوصل والقطع ركز على الدروس ده جيدا جدا بيجي السؤال في اللغة العربية الجمله ده صح ولا خطأ أنت وأنت بتقرا الجمل ركز في طريقه كتابتها يعني ممكن يكتب رحمه بالهاء كده تبقى الجملة غلط وهكذا ركز على الدروس اللي قولت عليها ده إن شاء الله هتعدي في اللغة العربية
ب/ اللغة الانجليزية
١٠ نقط ربع ساعة وقتهم
غالباً بيركز على الأزمنة في الانجليزي
ج/ الحاسب الالي
جالي رموز الوورد ومعناها ووحدات الإدخال والإخراج يعني بدايات الحاسب الالي
٣/ المعلومات العامة أو الثقافة العامة
جالي الحرب العالمية الأولى سنة ١٩١٤طبعا
جالي قصر فرساي فين ( روسيا فرنسا...)
أول سكة حديد فين
أكبر مدن اوربا لندن طبعا
وهكذا
٤/ وأخيرا المعرفة المهنية أو التخصص ساعة كاملة فيها ١٠٠ نقطة
الكل يتطمن باذن الله الامتحان مش صعب بس انتو متتوتروش وتركزو وربنا يوفق الجميع
اجابه للسوال المعتاد
الامتحان لكل المحافظات بمدينه نصر بالقاهره
قوانين نظام التعليقات
يجب أن يحترم كل شخص تعليقات وآراء الشخص الآخر.
يجب الابتعاد عن استخدام الكلمات البذيئة والسيئة وعن أسلوب التجريح والتشهير بالآخرين.
يجب الالتزام بجميع قوانين سياسة الخصوصية الخاصة بموقعنا وإلا فإن عكس ذلك قد يعرض التعليق للحذف.
يمكنكم التعليق بصورة أو فيديو إذا لزم الأمر، وكل ما عليكم فعله هو وضع الرابط في التعليق.