adse..

2/13/2019

اضافة تخصصات جديدة بالمحافظات ...سجل الان بموقع مسابقة تعاقدات التربية والتعليم 2019


كتب :مغازى غانم 
أولًا : 
تم إضافة بعض التخصصات الجديدة علي الموقع في بعض المحافظات .
لمعرفة التخصصات الجديدة أدخل علي الرابط ده..

أول ما تفتح الرابط ده هتلاقي مكتوب 
- تخصصات تمت إضافتها للتعليم العام .
اضغط عليها هيظهر ليك المحافظات اللي تمت الإضافة بها ، اختار محافظتك وحمل الملف .

- تحتها هتلاقي التخصصات المطلوبة للتعليم العام .
اضغط عليها لمعرفة التخصصات المطلوبة لجميع المحافظات .
- تحتها هتلاقي التخصصات المطلوبة للتعليم الفني .
دوس عليها لمعرفة التخصصات المطلوبة لجميع المحافظات .
كما هو موضح بالصور .
******************************

ثانيًا :
نظرا لضيق الوقت في إستخراج المستندات المطلوبة ، تم مد فترة تقديم الأوراق والمستندات المطلوبة أسبوع آخر ليستمر تقديم الأوراق إلي نهاية الأسبوع القادم يوم الخميس الموافق 21/2/2019 .
ولكن سيتم غلق التقديم على الموقع الإلكتروني نهاية الأسبوع الحالي يوم الخميس الموافق 14/2/2019 .

وده رابط التقديم على الموقع
- يعني تقدم علي النت الأول وتطبع الأستمارة ، لأن سيتم غلق الموقع بعد غد الخميس الموافق 14/2/2019 
وبعد كده تجهز الأوراق والمستندات المطلوبة وتقدمها خلال الأسبوع ده أو الأسبوع القادم ، لأن تقديم الورق اتمد أسبوع آخر لينتهي يوم الخميس 21/2/2019
*************************

ثالثًا : 
وانت بتسجل لازم تكتب البريد الالكتروني ( الإيميل ) الخاص بيك ويكون البريد شغال عشان هيتم التواصل بيك عليه من قِبل الوزارة لاخبارك بميعاد الاختبار والمقابلة وكذلك التواصل معك في حالة الفوز .
لأن في ناس كتير بتسيب خانة البريد الالكتروني فاضية .
اللي مكتبش البريد يدخل يعمل تعديل و يكتبه ويحفظ البيانات بعد التعديل ويطبع الاستمارة مرة أخري بعد التعديل .
************************

رابعًا : 
ياريت كله يتأكد من وجود الكود علي الإستمارة ، وبالنسبة للناس اللي مبيظهرش لها رقم كود التسجيل في الإستمارة بعد الطباعة.
عليه إعادة التسجيل مرة أخرى ويعمل حفظ لحد ما يظهر ليه الكود في الإستمارة ، لأن عدم وجود الكود يعني عدم حفظ بياناتك علي السيستم ولن يتم الإعتراف بالإستمارة اللي بدون كود .
***********************

خامسًا : 
- بالنسبة للناس اللي مش عارفة تطبع الإستمارة ، لازم تضغط حفظ الأول ثم بعد ذلك تختار طباعة الاستمارة هتظهر ليك الإستمارة وفوق علي الشمال موجود صورة الطابعة اضغط عليها هتحمل الاستمارة بصيغة pdf ، وبعد كده تطبعها من علي أي كمبيوتر متصل بالطابعة .
- والناس اللي بيظهر ليها الرقم القومي خطأ ، لازم تكتب الأرقام بالانجلش وليس أرقام عربي .

- وبالنسبة للناس اللي عاوزة تعدل البيانات أو تغير حاجة أو تضيف حاجة ، هتدخل بالرقم القومي هتلاقي بياناتك القديمة محفوظة اضغط تعديل البيانات واكتب وعدل البيانات اللي عاوزها ، وبعد كده تختار حفظ وتطبع الاستمارة تاني بعد التعديل ، وتقدم آخر استمارة طبعتها بعد آخر تعديل .

نشكر الاستاذ مغازى غانم والموضوع شامل كل شئ
تابعوا جروب تعاقدات التربية والتعليم ... من هنا 
:: تابعونا عبر الفيس بوك :: من هنا :: 
:: متابعة جروب الوظائف الحكومه المصريه :: من هنا ::


سجل سيرتك الذاتيه واحصل على وظيفه مناسبه مع بيت كوم

0
.إلى الأعلى