اسئلة واجابات اختبارات مسابقة 18 ألف معلم " تخصص مواد " عربي -علوم - رياضة - دراسات - انجليزي -حاسب..جميع الأسئلة المتداولة من قاعات الاختبار

أحد أشهر علماء المسلمين العرب الأزهريين والذي كان أيضاً وزيراً للأوقاف ؟

الإمام الشعراوي.

ما هو أول مسجد أقيم في مصر ؟

مسجد عمرو بن العاص في مدينة الفسطاط.

ما هو نظام الحكم الحالي في مصر ؟

نظام جمهوري.

أين وجدت النصوص العمودية؟

وجدت في مدينة سيناء بمصر، كما وجدت بشبه الجزيرة العربية أيضاً.

استخدم المصريين القدماء لغة لتدوين ما يقومون به فما هذه اللغة؟

اللغة الهيروغليفية.

أسئلة عن التاريخ القديممن هي الملكة الفرعونية التي حكمت مصر لفترة طويلة؟

حتشبسوت

لماذا قام قدماء المصريين بتحنيط موتاهم؟

لإيمانهم بفكرة البعث والخلود بعد الموت.

أي فرعون كان والد رمسيس الثالث؟

سيتناخت

ما هو أقدم تمثال أثري معروف في مصر؟

أبو الهول

ما هو أول هرم تم بناؤه؟

هرم زوسر

ماذا تعني كلمة الهيروغليفية؟

كتابة مقدسة

شخص يطلق عليه لقب فرعون؟

ملك مصر القديمة

كم عدد السلالات الحاكمة في مصر القديمة؟

31 سلالة

فرعون يعرف باسم “نابليون مصر”؟

تحتمس الثالث

كم سنة استمرت ضارة مصر القديمة؟

3000 سنة

متى تأسست مصر ؟

3200 سنة قبل الميلاد.

كم تبلغ مساحة مصر ؟

1.01 مليون كيلومتر مربع.

من هو القائد المسلم الذي فتح مصر للإسلام ؟

عمرو بن العاص.

ما هي عاصمة مصر ؟

مدينة القاهرة.

في أي قارة تقع مصر ؟

قارة آفريقيا.

ما هي اللغة الرسمية لدولة مصر ؟

اللغة العربية.

ما هو النهر الشهير الذي يقطع مصر من جنوبها الى شمالها ؟

نهر النيل

ما البحر الذي تطل عليه مصر من الشمال ؟

البحر الأبيض المتوسط.

ما هو البحر الذي يحد مصر من الشرق ؟

البحر الأحمر.

ما هي أعلى النقاط الجبلية في مصر ؟

جبل كاترين.

ما الذي يحد مصر من الشرق بالإضافة للبحر الأحمر؟

الأراضي الفلسطينية المحتلة.

ماذا يحد مصر من الغرب ؟

ليبيا.

ماذا يحد مصر من الجنوب ؟

السدان

ما هو أشهر معلم حضاري تاريخي في مصر ؟

أهرامات الجيزة.

ما هو الإسم الذي أطلقه سكان مصر القديمة عليها ؟

“كيميت” وتعني الأرض السوداء دلالة على الرواسب الطينية التي كان يرسبها نهر النيل على جانبيه وفي دلتاه خلال مواسم الفيضان، والتي أسهمت في خصوبة التربة وتجددها كل عام.

متى سقطت الخلافة الأموية، وفي يد من سقطت؟

سقطت عام 661 م، وسقططت في يد بني أمية.

كم عدد المحافظات المصرية ؟

27 محافظة.

من الذي أسس الجامع الأزهر في مصر ؟

الفاطميون.

من الملك الذي كان يحكم مصر قبل الثورة ؟

الملك فاروق.

ما هي المدينة التي تسمى العاصمة الثانية لمصر ؟

مدينة الإسكندرية.

المؤرخ اليوناني هيرودوت أطلق على مصر اسم فما هو؟

هبة النيل.

أحد ملوك مصر القديمة وقام ببناء تمثال أبو الهول؟

الملك خفرع.

معلومات عامة عن مصر اسئلة واجوبةعالم مصري حاصل عن جائزة نوبل في الكيمياء ؟

أحمد زويل.

أشهر جراح قلب مصر وصل للعالمية ؟

د. مجدي يعقوب.

شاعر مصري لقب بـ “أمير الشعراء”، من هو ؟

أحمد شوقي.

رئيس مصر الذي حصل في عهده إنتصار 6 أكتوبر عام 1973 ؟

محمد أنور السادات.

عالم مصري كبير عمل في وكالة ناسا للفضاء وحصل على العديد من الجوائز ؟

د. فاروق الباز.

أديب مصري كبير فاقد للبصر، من هو ؟

طه حسين

....................

انا تخصص علوم وامتحنت انهارده هقول لحضراتكم على الملخص وبالتوفيق لينا كلنا ان شاء الله

*الكفايات السلوكية كلها مواقف واجابتها ( موافق جدا - موافق - محايد - غير موافق - غير موافق جدا) محدش يضيع وقت في مذاكرتها

* الانجليزي سهل جدا بردو محدش يضيع وقت فيه

* العربي اسئله كانت صعبه شويه

( همزة القطع والوصل - اعرابات - كلمه ويقولك دي صح ولا غلط من حيث موضع الهمزه زي جزئ مثلا - كان واخواتها - ان واخواتها )

* التربوي ركز ع النظريات اكتر من اي حاجه تانيه وجيه اسئلة عن ( الهو - الأنا - الأنا الأعلى) والباقي كله هيعدي

*الحاسب الآلي كان متوسط الاختصارات مهمه وكان في حاجات تانيه بس مش فاكرها بصراحه

* ال iQ متوسط الصعوبه بيجيبلك اشكال وتختار اللي زيها أو بيجيب نمط وتكمل زيه

* المعلومات العامه كانت من كوكب تاني غير كل اللي عمال ينزل ع الجروبات ف حاول تقرأ اي معلومه تيجي قدامك

*التخصص كان صعب وعايز حد لامم كم كبير جدا فيه وأغلب اللي جيه كان

الجمبري

نجم البحر

الحشرات

كيمياء عضويه

تصنيف

النجوم والكواكب والاقمار

الذرة البوتون والالكترون والنيوترون

حاجه بسيطه في الفيزياء

اسئلة تربوي داخل التخصص

.....................

انا امتحنت تخصص انجلش( كله اختر)

اسئلة التخصص انجلش ٧٠ سؤال ٢٠ وبعد كده ٥٠ والباقي كله عربي.

بالنسبة للامتحان بيبدأ بأسئلة سهلة جدا عن شخصيتك وفيه اسئلة بتتكرر بس بطريقة مختلفة

التربوي فيه علم نفس كتير محتاج مذاكرة كويس وفيه من النظريات اللي درسناها في الكلية نظريات الذكاء زي الجشطلت وغيرها والجدارات السلوكية وعن الطفولة المبكرة والمتأخرة والمراهقة

فيه اسئلة في الحاسب الآلي معظمها او كلها عن الاختصارات وكمان اسماء الملفات ع الكمبيوتر

فيه اسئلة iq بيجيب شكل ويسئلك الشكل المماثل ودى رخمة جدا وبعدين اكمل الشكل الناقص ودي محتاجه تركيز عالي

وفيه اسئلة في التاريخ جالي عن وزارة سعد زغلول وحرب اكتوبر وتصريح بلفور وفيه كمان اسئلة عن المنظمات العالمية زي اليونسكو تابعة لأيه وغيرها

انا مفيش رياضة جاتلي خالص معرفش باقي الناس ايه نظامهم

بالنسبة للتخصص (انا انجلش) كان كويس ومحتاج مذاكرة للي كان بعيد عن اللغة وفيه كل حاجه ترجمة من عربي لانجلش والعكس بردو اختر بس الترجمة طويلة ممكن سطرين الاختلاف في الاربع اختيارات بيكون كلمة واحدة وكان فيه قواعد present perfect past continuous passive وغيرها وفيه اسئلة علي الكمات بتعتمد علي حفظ الكلمات وفيه سؤالين او ثلاثة طرق تدريس methodology ومواقف بيجيب موقف وانت تختار ازاي تتعامل فيه (فيه اختيارات) وفيه روابط وحروف جر

وياريت تخلوا بالكم من الوقت كويس جدا الوقت بيعدي بسرعة فيه اسئلة سهلة واسئلة محتاجه

.......

اول اسئلة كانت مواقف والإجابة موافق أو موافق جدا او غير موافق مواقف فى المدرسة وعلاقتك بالعمل والمدرسين والمدير

بعد كده اسئلة ذكاء وقوة ملاحظة

وبعدين اسئلة حاسب واختصارات

وكلمات كلها انجليزى فى الحاسب مصطلحات كتير

وامتحان المعلومات العامه انا تخصص عربي

جالى غزوة حنين وغزوة الخندق وأحكام النون الساكنه فى التجويد جالى فى التاريخ احمد عرابي ومصطفي كامل ووزراة رياض باشا

وعلم النفس والاجتماع جالى عن مراحل النمو والطفولة والمراهقه جه فيها اسئلة كتيير وسمات كل مرحلة

فرويد وعلماء النفس

والعربي جه فى الاعراب والهمزات والتشبيه والاستعارة ومكوناتهم

وجالى بيت شعر وسأل فى معنى كلمه كانت شيم العرانين ابطال طلب معاناها

الانجليزى سأل فى مواقف وكلمات كتير مكنتش عارفاها لكن بالاجمالى كده بتقدر توصل للإجابة إن شاء الله

الوقت كويس انا فى كل المحاور كنت بخلص قبل الوقت المحدد لأن عينى كانت على الوقت دائما

محتاج تركيز جدا

وعلفكرة النت وقع والسيرفر وقع انا كنت عرفت أنه ممكن يحصل ف متوترتش اوى والحقيقة الحمد لله أنه فصل حقيقي كانت شدة اعصاب جدا خدنا نفسنا شوى وهدينا لانه كان فصل بعد ساعه من بداية الاختبار

الحاسب 30 العربي 20 الانجليزى 20 التخصص 100 الجدارات السلوكيه 120

-اخوات ان وكان في العربي

-معلومات عامه السد العالي وانجازات محمد علي بحيرة ناصر الحرب العالميه الاولي والتانيه وانجازات السيسي ومين مخترع الطابعه والاسكندر اكبر حكم مصر امتى واول دولة أوروبية عملت انفاق(بتختلف من شخص لاخر)

-الحاسب الالي كان من الملفات المنتشره ع السوشيال

-التخصص (مشاكل وسلوكيات الطفل والانشطه اللي هتعملها لو انت ف الفصل)

اسئلة عن المهارات و الخطط التعليمية و اسئلة مواقف لو اتعرضتي لها هتعملي اية

اسئلة عامة عن الحرب العالمية الأولى والثانية امتي و الكنيسة المعلقة فين و قناه السويس طولها قد اية امتي اكتملت قناه السويس وامتى افتتحت اول مرة امتي اتولي السادات الحكم

اسئلة عن سمات الطفولة المتأخرة و المراهقة في كذا سؤال على المراهقة

الانجلش كان كويس سهل

العربي جمل ويقولك الجمل دي صح ولا غلط

الحاسب الآلي عن الورد والاكسل بيتعمل بيهم اية

و اسئلة عن اختصارات الكيبورد

بعض الأسئلة التي وردت في الامتحان :

١- متى الاسكندر الاكبر تولى الحكم ؟

٢- من انجازات محمد على ؟

٣- إنشاء أول مترو فى أوروبا سنة كام واين ؟

٤- امير الشعراء ألف ايه ؟

٥- من ألف كتاب البخلاء؟

٦- من مخترع الطابعة ؟

٧- من انشئ السد العالى ؟

٨- بحيرة ناصر هى أكبر بحيرة

٩- ما هو طول قناة السويس ؟

١٠- متى بدأت الحرب العالمية الاولى ومتى انتهت؟

١١-متى بدأت الحرب العالمية الأولى ومتى انتهت؟

١٢- متى بدأت الثورة العربية الكبرى؟

١٣-فى أى عام الغيت الخلافة الإسلامية ؟

١٤-فى اى عام تأسست سكك الحديد فى مصر ؟

١٥- متى تولى السادات حكم مصر ؟

١٦- اين توجد الكنيسه المعلقة ؟

١٧-متى اكتملت قناة السويس ومتى افتتحت؟

١٨- ما المدينة التى سميت طيبة القديمة؟

١٩-البرازيل مشهورة ب؟

٢٠- التنمية المستدامة؟

٢١- قناة السويس القديمة والجديدة ؟

٢٢-مساحة قناة السويس القديمة والجديدة ؟

٢٣-من رسم الموناليز؟

٢٤-متى مسك الاسكندر الدولة ؟

٢٥-ما هو أكبر مشروع تنموى عمرانى سياحى فى مصر؟

٢٦- كم لغة فى الولايات المتحدة الأمريكية ؟

٢٧-ما هى اول دوله عربية عملت انفاق؟

٢٨- اى بلد بدأت الالعاب الاولمبية؟

٣٠- من مؤلف كتاب حرب وسلام ؟

٣١- سؤال مينا موحد القطرين

٣٢- من مكتشف الدورة الدموية ؟

٣٣- من كتب كتاب نهضة مصر ؟

٣٤-من مؤلف كتاب حرب وسلام ؟

٣٥-اكبر دولة فى العالم من حيث الكثافة السكانية ؟

٣٦- كان فى سؤال عن نهر الامازون

٣٧-اكبر محافظات مصر من حيث المساحة ؟

٣٨-,تتعارض رؤية مصر مع التنمية المستدامة ؟غلط

ثانيا الاسئلة اللى تم تجميعها اول كل ما يخص الحاسب الآلى من اللى قالوه البعض ما تم تجميعه

١-الضغط مرتين على الماوس ده يسمى ايه ؟

٢- الضغط مرة واحده ده يسمى ايه ؟

٣- وحدات الادخال والإخراج

٤- الباور بوينت والاكسيل والوورد

٥- معلومات أساسية عن الحاسب الآلى

٦- الاختصارات

٧- اية الأنسب مع رجل اعمال متنقل

٨- عشان نقفل قائمة نختار ايه

٩-,للخروج من النافذة ؟

١٠- جى بى بتقيس ايه ؟

ثالثا اللغة العربية ما ورد منها فى الاختبار بناءا على كلام اخواتنا اللى اختبارهم

جملة ينحط فيها تاء مربوطة والمفروض ميتحطش

جملة فيها همزة والمفروض ميتحطش ليها همزة

كتابة الارقام بالعربى

تمييز العدد

المثنى

اشكال الهمزات

أسئلة اختبارات مسابقة 30 ألف معلم " معلم فصل " تخصصات عربي -علوم - رياضة- دراسات - انجليزي..جميع الأسئلة المتداولة من قاعات الاختبار

الاسئلة نقلا عن بعض الزملاء مما تم اختبارهم

الامتحان مش ساهل بالمرة حقيقي والفكرة انه مبني على أن حد ملم وأنه يكون أديب وعالم حتي الحاسب الآلي مش فاكرة منه غير الشبكة المحلية وخط الرقمي الأرضي وجابلي كل الاختيارات بالانجلش رغم الأسئلة عربية ومصطلحات غريبة والعبارات اصلا اول مرة اشوفها تمكن اللي سهل ip، كان جايب حاولي 30 نقطه لوحدهم كده صور أشخاص ملونة ويقولك الصورة بتدل ع ايه سعاده حزن مثلا وحده بتتخانق مع واحد عربي 30 نقطة كان سهل حاجات بسيطة لكن التخصص حاجة اقسم بالله صعبة شواهد شعرية مش فاكره ايه ده وكتب ومؤلفينها ونحو بسيط ودين إسلامي مين نام ف فراش الرسول، الرسول لما نزل عليه والوحي كان سنه كام، الوحي نزل في كام سنة، كذا سؤال جه عن الاوامر والنواهي بعد فتح مكة كانت مكية حاجة زي كده برضو تاني بس مش متذكرة الصيغة وجاب غزوة حنين وجاب حكم نزل ف صحابي تقريبا عبدالله مس عارفة مين والحكم ده عن رمي المحصنات او المؤمنات الحكم ايه وانجلش بقي حدث ولا حرج مش بالبركة كله ترجمه 2 قاعده وبيقول امك تسمي ايه جايب الخيارات جراند بو وجراندمو وآنت اللي هي عم او عمه وكلمة رابعة اللي هي شبه كلمة جميلة نايس وكذلك السؤال اتكرر ع الاب وجاب حاجة بتحصل ف فصل مرتبطة بالسياح تقريبا وعربي جايب حروف القلقلة علاقتهم ايه ب ان الناسخة وجاب انعمت الحكم ايه وقصيدة بانت سعاد مسائل رياضية اكتر م 5 والتربوي النظرية اللي بتنظر للكل وجاب نظرية إريكسون 2 سؤال وجاب نظرية أونر وجاب مين مؤلف كذا والمعلومات العامة كلها علوم وحاجات مش سهله وغدد والولاد والبنات والذكاء ف مرحلة الطفولة وجاب ف العربي كلمة حجم ودنا عكسهم ايه ادعولي ربنا يجبر بخاطري فيها والله انا ذاكرت وماكنتش بنام ولا بسيب سؤال ينزل الا ما احله وحفظت كمية معلومات عامة بس الحمد لله اكيد ربنا مش حيضيع تعبي ادعولي يكرمنا فيها

.......................

اللهم لك الحمد كما ينبغي لجلال وجهك وعظيم سلطانك

الحمد لله خلصت من الضغط النفسي بالرغم ان حليت. وحش جدا ف الامتحان بس المهم خلصت

امتحنت اليوم ١١/٣ تخصص انجليزي

اسئله الجدارات وIQ سهله جدا مش محتاجه مذاكره

المعلومات العامه جاتلي معظمها علوم

والحاسب معظمه صعب

والانجليزي العام سهل جدا والعربي سهل جدا بس كام سؤال اللي صعب

نيجي بقى للتخصص الترجمه والله ما بلحق اقرأ حاجه بسبب الوقت بقيت بختار كده وخلاص وكام سؤال قواعد سهل لاكن اسئلة النظريات ومواقف انجلش صعب جدا ابقوا ذاكروها كويس

الأسئلة اللي فكراها

عدد حجرات القلب؟ االحل ٤

عظام الجمجمه؟ معدومة الحركه

وظيفة المخيخ؟ مسئول عن توازن الجسم

المسئول عن ضربات القلب؟ النخاع المستطيل

واشتعل الراس شيبا كلمة شيبا تمييزا. محول عن؟؟ محول عن الفاعل

الكتابة الصح لكلمة سأل

بين كلمة ضرغام واسد؟؟ ترادف

جاب جمله فيها كلمتين شبه بعض بس اختلاف المعنى زي (مغرب (وقت المغرب) ومغرب (بلد) وقال بينهم ايه؟؟ جناس

تدور الكواكب حول الشمس من الشرق الي الغرب؟ خطأ

الحصيلة اللغويه لطفل ٦ سنين كام كلمة؟ ٥٠٠٠

ماذا يحدث عند زياده هرمون الاستروجين عند الاناث؟؟

آيه الطريقه اللي مهمه المعلم فيها تسهيل عملية التعلم؟ انا اختارت طريقة التعلم التعاوني والله اعلم

اختصار PDF؟؟

س×٣٧=س×٧+؟؟

القاتل الصامت؟؟ غاز ثاني أكسيد الكربون

اكوكب ملئ بالغازات؟؟

الأعصاب المخيه؟؟ ١٢ زوج

اختصار GUl؟؟للأسف انا حفظاها كويس بس اخترت general بدل graphical بسبب التوتر

رمز النحاس؟؟

What's the fastest

animal؟

كل التربوي عن النظريات و مراحل النمو وخصائصها بشكلمتعمق مثلا في مرحلة. كذا كام المفردات اللغويه عنده والاسئله غير مباشره خالص

.................

ياأهل الخير انا امتحنت اول امبارح تخصص رياضيات احب اقولكم الامتحان يتحل بس للناس اللي دماغها شغاله مش مرَكونه يعني بالنسبالي التخصص كنت بختار وبس عشان انا خريجه ٢٠٠٩ وكنت راكنه كل الفتره دي

جالي في النسب

و متوازي الأضلاع

الجزر التكعيبي والتربيعي يعني مثلا بيقولك لو مربع عمرك السنه دي ٢٥ مكعب عمرك السنه اللي جايه ايه

كمان جايب ثلات اعداد وبالنسبه بينهم ومجموعهم وهات قيمة اقل عدد منهج سادسه ابتدائي

ومسألة بتقول جذر ١٠ على جزر ١٠٠٠٠٠يساوي كام

والعدد الأولى من الاعداد ويديك مجموعة اعداد وطرق تدريس الرياضيات والله مافاكره حاجه تاني احنا اخدنا سفر يومين رايح جاي

بالنسبه للمعاومات العامه جاني في التاريخ وزارة سعد زغلول هل كان فيها اول حكومه دستوريه عام ١٩٢٤ صح ولاغلط

والكواكب الغازات المتجمده اسمها ايه والكواكب اللي فيه غازات اكتر من الأرض ذاكرو الكواكب بتوسع شويه جاني اسئله كتير فيها وقرية او عبيد تقع فين والخفاش قدرته سمعيه ولا بصريه أقوى والعربي الفعل الصحيح والمعتل الiqكان كويس ابسط بكتييير من فديوهات النت الانجليز ي يعتمد على الترجمه يعني كلمه او اتنين ويقولك معناهم ايه والحاسب للأسف ماجاش من اللي ذكرته اطريت اختار وخلاص خلو بالكم من الايكونات اللي في شريط المهام بيسأل فيها واخيرا للهالامر من قبل ومن بعد وحسبنا الله ونعم الوكيل

ربنا معاكم وخلي نصب عينكم ديما أن اللي مكتوبله حاجه حيشوفها ودي أرزاق من عند ربنا ربنا يسهلكم كل صعب

..................................

السلام عليكم

تخصص دراسات

ذاكروا ياجماعه التخصص صعب الي حد ما من ضمن أسئلته أمريكا اللتنيه هي مين وفيها جبال ايه

ونسبة السليكا لما تبقي ف التربه بتخليها قلويه ولا حمضيه ولا خصبه معركه فتح الفتوح اتلقبت ب ايه

احمد عرابي اتنفي فين اليابان دولة فدراليه ولا مركزيه

الولايه المنعزله ف امريكا مين

ايه اللي بياثر ع الثروة الحيوانيه ف أستراليا

سوأل عن وزارة مصطفي النحاس بس مش فاكراه

الحروب الوهابيه بتاعه محمد علي كانت فين

اول نهر النيل نهر اسمه ايه ومنابعه ايه

دول اللي فاكراهم..

الحاسب حاجات غير اللي بنشوفها

حتي مش قادره افتكر السؤال جه ازاي

الساهل فيه جه اختصار Gur

محركات البحث

التربوي جاب نظريات وعقدة اوديب وحاجات الي حد ما كويسه.. العربي رخم حبتين هو والانجلش

ياريت تدعولي ولكم بالمثل أن شاء الله

.................................

لذكاء سهل شوفوا مثال عليه وافهموه أسهل قسم فالامتحان يعتبر تافه جدا أشكال ويقولك الشكل اللي مطابق او الناقص

الحاسب رخم وغدار تتوقع اي حاجة

الانجلش عايز ترجمه وقواعد بسيطة جدا

التربوي والتخصص لا دول عايزين تكون عالم ذرة فيهم الذرة متسبيهاش فيهم

الجدارات السلوكية فالأول الأسئلة بتكون جمل قصيرة حاولت تنجز عشان بعد شويه الجمل والمواقف بتكون كبيره ف انت مش حتحلق تقرأ ولو قريته مش حتسوعبه السؤال بيكون لافف والإجابة كذلك فأنت تبص سريعا ع السؤال وابص عالاجابات وتختار المحايد يعني ميكونش فيه عنف ولا تصرف سيء لزميل تجاهل لمديرك حاجات كده

اقرا اي معلومه عامة تنزل

خليك هادي عشان تعرف تفهم هو عايز ايه لان ف أسئلة متعرفش هو بيقول ايه اصلا

فحاول تحل السهل بسرعة وتتخطاه وثانيا حاول تبص عالوقت تقدره كده عشان ميقفلش عليك وحاول تفهم السؤال وتحل الإجابة اللي مقنعة ده حالة انك مش عارف الإجابة وربنا يوفقكم وادعولي والله انا تعبت وسهرت من اول ما بانت نتيجة قبول الأوراق بس حقيقي الامتحان كان صدمة والحاسب الآلي جابلي الاختيارات بالانجلش معرفش ليه رغم الأسئلة كانت بالعربي ومصطلحات اول مره اشوفها والتخصص كان صعب جدا فوق الوصف مؤلفين كتب وتفاسير حتي رغم اني ذاكرت تفسير الطبري والرازي عشان اعرفه منهجهم ف التفسير ذاكرتهم ع خفيف لكن جابلي سؤال اني لو روحت المكتبه وابحث عن تفاسير الأحاديث ابحث ب انهو تفسير والإنجلش كتير كان صعب اخترته بالبركة ادعولي ربنا يوفقني واللي محتاج ملفات العربي والتخصص والامتحانات السابقة يقول وانزله كنت باخدهم م الجروبات ومن هنا

ادعولي والله ابني كان عيان ومازال وتعبت قوي فالمذاكره ربنا يأجرني فيها يارب عشان خاطر ابني

تعديل

من أساسات القصيدة العربية اعتمادها على البحور الشعرية التي تضمن لها موسيقيى خاصة تميزها عن النثر والكلام العادي. وتتعدد بحور الشعر العربي وهي كالآتي:

بحور الشعر العربي

البحر الطويل

سمي بالطويل لأنه يطول عن طريق إتمام أجزائه، وهو أكثر الأوزان انتشارا عند الشعراء القدامى، ويعد قائد بحور الشعر العربي المخضرم.

وزنه : فعُولُن / مفاعيلُن / فعُولُن / مفاعيلُن فعُولُن / مفاعيلُن / فعُولُن / مفاعيلُن

مثال على البحر الطويل

أراك عصيّ الدمع شيمتك الصبر أما للهوى عليك نهي ولا أمر

البحر المديد

سمي مديدا لأن قواعد البحر امتدت في أجزائه السباعية، فأصبح أحدهما في أول الجزء، والآخر في آخر الجزء، وهو من البحور الثقيلة على السمع لذلك لا يحب الكثير من الشعراء استخدامه.

وزنه: فاعِلاتُن / أفعُلُن / فاعِلاتُن / أفعُلُن فاعِلاتُن / أفعُلُن / فاعِلاتُن / أفعُلُن

مثال على البحر المديد

أدلال ذاك أم كسل أم تناس منك أم ملل

البحر البسيط

وسُمي بذلك لأنه أبسط البحور الشعرية، أطلق عليه بسيطا لبساطة أسبابه.

وزنه: مسْتفعِلن / فاعِلُن / مُسْتفعِلن / فاعِلُن مُسْتفعِلن / فاعِلُن / مُسْتفعِلن / فاعِلُن

مثال على الشعر البسيط

ليس الغريب غريب الشام واليمن إن الغريب غريب اللحد والكفن

بحر الوافر

وقد تم إطلاق عليه اسم الوافر لكثرة الحركات في تفعيلاته ووفرتها.

وزنه: مُفاعلتُن / مُفاعلتُن / مُفاعلتُن مُفاعلتُن / مُفاعلتُن / مُفاعلتُن

مثال على البحر الوافر

يطول اليوم لا ألقاك فيه ويوم نلتقي فيه قصير

بحر الكامل

وقد تمت تسميته بالكامل لاكتماله في الحركات، وهو صالح لكل أنواع الشعر، الحديث والقديم.

وزنه: متفاعِلن / متفاعِلن / متفاعِلن متفاعِلن / متفاعِلن / متفاعِلن

مثال على البحر الكامل

قم للمعلم وفّه التبجيلا كاد المعلم أن يكون رسولا

بحر الهزج

سمي بذلك الاسم لأن العرب كانت تغني به، والهزج لون من ألوان الغناء.

وزنه: مفاعيلُن / مفاعيلُن / مفاعيلُن مفاعيلُن / مفاعيلُن / مفاعيلُن

مثال على بحر الهزج

جميل الوجه أخلاني من الصبر الجميل

بحر الرجز

تعود تسميته بهذا الاسم نسبة للإبل الراجزة أي المضطربة.

وزنه: مستفعلُن / مُستفعلُن / مُستفعلُن مُستفعلُن / مُستفعلُن / مُستفعلُن

مثال على البحر الرجز

يا من إليه أشتكي من هجره هل أنت تدري لوعة المهجور

بحر الرمل

سمي بالرمل حيث يتم النطق به بسرعة، ويمتاز بالرقة لذا يصلح لشعراء الغزل.

وزنه: فاعِلاتُن / فاعِلاتُن / فاعِلاتُن فاعِلاتُن / فاعِلاتُن / فاعِلاتُن

مثال على البحر الرمل

طلع البدر علينا من ثنيات الوداع

بحر السريع

ويعد من أسرع البحور الشعرية، وهو صالح لوصف العواطف.

وزنه: مستفعِلُن / مستفعلن / مفعولاتُ مستفعِلُن / مستفعلن / مفعولاتُ

مثال على البحر السريع

أودِعك الرحمان في غربتك مرتقبا رحماه في أوبتك

البحر المنسرح

سمي بهذا الاسم لانسراحه أي بسبب سهولته على اللسان، لكنه صعب على الشعراء، وهناك القليل من الشعراء اللذين يستخدمونه في قصائدهم .

وزنه: مستفعلن / مفعولات / مستفعلن مستفعلن / مفعولات / مستفعلن

مثال على البحر الحر المنسرح

أواه يا ليل طال بي سهري وساءلتني النجوم عن خبري

بحر الخفيف

سمي بذلك بسبب خفته، وهو من البحور النادرة في الشعر العربي .

وزنه: فاعلاتن / مستفع لن / فاعلاتن فاعلاتن / مستفع لن / فاعلاتن

مثال على البحر الخفيف

ما لليلى تبدلت بعدنا ود غيرنا

بحر المضارع

سمي كذلك لمضارعته أي تشابهه مع البحر الخفيف .

وزنه: مفاعيلن / فاعلا تن / مفاعيلن مفاعيلن / فاعلا تن / مفاعيلن

مثال على البحر المضارع

وغائبا عن عيوني وحاضرا في خيالي

بحر المقتضب

تمت تسميته بالمقتضب لأنه اقتضب، أي اقتطع من بحر المنسرح عن طريق حذف تفعيلته الأولى.

وزنه: مفعولات / مستفعلن / مستفعلن مفعولات / مستفعلن / مستفعلن

مثال على البحر المضارع

قد أتاك يعتذر لا تسله ما الخبر

البحر المجتث

أُطلق عليه مجتثا لأنه اجتث، أي تم اقتطاعه من بحر الخفيف وذلك بتقديم مستفعلن على فاعلاتن.

وزنه: مستفع لن فاعلاتن فاعلاتن مستفع لن فاعلاتن فاعلاتن

مثال على البحر المجتث

سئمت كل قديم عرفته في حياتي

البحر المتقارب

تمت تسميته بالمتقارب بسبب قرب أسبابه من أوتاده، وهو يصلح للسرد والتعبير عن العواطف الكثيرة والجياشة.

وزنه: فعولن / فعولن / فعولن / فعولن فعولن / فعولن / فعولن / فعولن

مثال على البحر المتقارب

أخي جاوز الظالمون المدى فحق الجهاد وحق الفدا

بحر المتدارك

ويعتبر آخر بحور الشعر العربي، و سمي كذلك لأن تلميذ الخليل تدارك به آخر بحور معلمه الذي أهمله، حيث يصلح هذا البحر للموشحات والغناء.

وزنه: فاعلن / فاعلن / فاعلن / فاعلن فاعلن / فاعلن / فاعلن / فاعلن

مثال على البحر المتدارك

غنمي غنمي ما أجملها في موقفها تحت الشجرة.

جالي اسئلة تحويل الطاقة الكهربية الى طاقة ايه في الجهاز كذا

عدد عضلات الجمبري

القلب يتكون من حجرة واحدة في اي حيوان (اختر)

تفاعلات اميتيد او بروكسيل مش متذكرة كيمياء عضوية تقريبا

لو سخنا ماء في خلال زمن غليت و في نفس الزمن ده كمية الماء زودناها و غليت برده في نفس الزمن دي اسمها ايه تقريبا كان حرارة نوعية

اسئلة عن عدد الاقمار و الكواكب

الثقب الاسود في الفضاء بيبتلع ايه و بيمتصها ازاي

النجوم اللي اكبر من الشمس هل هي اكثر منها حرارة او لونها بيبقى ايه

اسئلة عن السرعة و الازاحة و العجلة

سرعة الضوء و سرعة الصوت و العالم اللي اكتشف ده

............

ول 120 سؤال بيكونوا أسئلة شخصية عن قدراتك ومهاراتك ف الشغل بشكل عام و ده بيكون مدته 20 دقيقة ونخلي بالنا من الوقت اووووي

الجدارات السلوكية تقريبا دي تعتبر أسئلة ارأء ارااااء يعني الحاجة الحلوة اعملها اوافق.. الوحشة لا اوافق بس

بيخلص ويدخل ع الأسئلة اللي بعده 20 سؤال أسئلة ذكاء سهلين جدا جدا بالنسبالي بس محتاجين تركيز وبدقة

يدخل بعدها ع 20 سؤال لغة عربية وكلهم نحو وسهلين خالص و ده للكل مالهوش دعوة بالتخصصات يعني الكل هياجيله أسئلة لغة عربية

بعدها 20 سؤال لغة إنجليزية و ده للكل بردو وبالنسبالي تخصص لغة إنجليزية ف ال 20 سؤال حلوين جدا بيعتمد ع القواعد ونركز ع قاعدة IF

بعدها 20 سؤال تكنولوجيا واللي هو الحاسب الآلي ركزوا ع القياسات زي الجيجا والميجا وركزوا ع اختصار الكلمات اللي باللغة الإنجليزية يعني ع سبيل المثال URL اختصار لكلمة ايه والاغلب فيه عبارة عن معلومات عامة يتحلوا بالفهم بالإضافة للاختصارات الشائعة

كل اللي عدى ده سهل جدا جدا

ناجي بقى للرخم وهي المعلومات العامة مالهاش اي علاقة باللي بتذاكروه وركزووووا ع الدول الفيدرالية والكونفدرالية

والكواكب

يدخل بعدها ع أسئلة التربوي و دي بصراحة اصعب حاجة 50 سؤال نركز ع النظريات كويس اوووي واسماء العلماء فيها

اخر حاجة طرق التدريس 30 سؤال تقريبا أنجلش لتخصص لغة إنجليزية في منه السهل وفي منه الصعب و اخر 5 أسئلة ترجمة بيجيب قطعة مكتوبة بالانجلش و اربع اختيارات مترجمين لغة عربية بس خلو بالكم أن الاربع اختيارات كلهم شبه بعض ممكن بس يبدل كلمتين ف النص أو يحذف كلمة مثلا ف محتاجة تركيز شديد

من الاخر كدة كل اللي بتذاكروه مافيش حاجة هتستفادوا منها غير النظريات وبنسبة 20% بس

غير كدة بلاش تتعبوا نفسكم وتبذلوا مجهود ع الفاضي أو تتوتروا ...... اطمئنوا والله الاسئلة ف مستوى الشخص متوسط المعلومات العامة وخلينا فاكرين أن دي مش نهاية الدنيا دي تعتبر خطوة إيجابية لينا كلنا حتى لو ماتقبلناش ف النهاية

التنظيم والإدارة يبدأ اختبارات المتقدمين لشغل وظيفة معلم فصل ويستمر حتى ١٤ ديسمبر المقبل

بدأ الجهاز المركزي للتنظيم والإدارة، برئاسة الدكتور صالح الشيخ، أعمال اختبار المتقدمين لشغل وظيفة معلم مساعد (معلم فصل) بوزارة التربية والتعليم والتعليم الفني، وذلك بمركز تقييم القدرات والمسابقات التابع للجهاز، ويستمر حتى ١٤ ديسمبر المقبل، حيث من المقرر أن يخضع للاختبار 60 ألفا و719 متقدما وذلك لشغل عدد ١٤٨١٣ وظيفة معلم مساعد.

وشهدت أعمال الاختبار في أول أيامها سهولة ويسر، حيث يقوم الجهاز بتوفير آلية منظمة لتيسير دخول وخروج الممتحنين، وتطهير القاعات في الأوقات البينية المخصصة لذلك بين جلسات الاختبار المتعددة خلال اليوم، كما يولي اهتماما خاصا بذوي الاحتياجات الخاصة سواء من ذوي الإعاقة أو المتقدمات الحوامل.. إلى جانب توفير عيادة طبية مجهزة للتدخل بالاسعافات الأولية حال وجود أي

الاسئلة نقلا عن عدد من الزملاء المتقدمي نللاختبارات

................

امتحنت النهارده تخصص دراسات اجتماعيه

بالنسبه للدنيا هناك منظمه وكويسه وهيدخلوك لحد القاعه وطبعا دخول الامتحان بدون اي حاجه غير البطاقه وازازه مايه بيدوهالنا وبنتفتش كلنا

الامتحان زي الزفت بس ممكن كان معايا انا

بس الكل اشتكي من صعوبته

اول حاجه الجدارات السلوكية ودا سهل جدا بس خلي اجاباتك متناسقه ف كله عشان بيجيب اسئله شبهه بعض ف المواقف يعني لو أوافق بشده يبقي اللي زيه أوافق بشده وهكذا دا كان 120 سؤال ف ٦٠ دقيقه

الوقت حلو ع اد الاسئله بس متناموش يعني

انا الوقت كان بيفيض معايا ف اخر كل مرحله

تاني حاجه ال iq ودا كان بيجيب شكل ونختار اللي شبهه وتقريبا كان الاربع اختيارات نفس الشكل فدا كان بالنسبالي في صعب وفي سهل وبيجيب أشكال وتكمل

تالت حاجه التربوي سهل للي مذاكر كله من ٣ محاور النظريات والمدارس والهوا والانا والانا الأعلي والطفولة المبكره والمتاخره والمراهقه

والاسئله العامه جالي معظمه ف التاريخ وكان حجات سهله والعربي جالي نون النسوه والمذكر السالم والف القطع والوصل وحذف حرف العله

الانجلش تلت ارباعه كان ترجمه والربع كان جرامر من قاعده واحده بس مش فاكره كانت ايه

اما التخصص بقي حدث ولا حرج كانو خميس سؤال بعون الله عرفت منهم سؤال وخمنت سؤال والباقي مكنش بيتخمن اصلا فحليت اي حاجه وربنا الموفق والمستعان

ملحوظه المعلومات العامه كلها من الاسئله اللي نزلوها ف الجروب واللي معلم فصل نزلوها

............................................

رياضة اساسى

الوقت كان كافى فى العربى والإنجليزي والجدرات السلوكية والمعلومات العامة

بس التخصص والتربوى كان الوقت مش كفاية وكمان كان مش سهل بأستثناء سؤالين تلاتة كانوا سهلين

الوقت ثم الوقت ثم الوقت ركز ومتخليش الوقت يسرقك وحاول تخلص ف الوقت المحدد حتى لو هتختار by luck

اهم حاجة نام كويس لان التركيز فى اللاب توب وقت طويل بيصدع جدااا واهم حاجة عدم التوتر كمان

وربنا يوفق الجميع يارب

ركزوا ع اختصارات الحاسب الالي وراجعوا الدول الكونفدرالية مجاش فى امتحانى عواصم الدول بس احتمال يكون جه لناس تانية

اخيرا المكان منظم جدااا هناك والناس متعاونة جدااا والتعامل فى منتهى الاحترام بس كمان لازم احنا نكون متعاونين ونفهم التعليمات اللى بتتقال قبل الامتحان ومنعملش عكسها

التجربة حلوة محدش يضيع الفرصة لأن فى ناس قابلتها هناك كتير كانوا بيقولوا احنا مكناش جايين اصلا مع انهم اتقبلوا إلكترونيا

متضيعوش الفرصة واخيرا بالتوفيق للجميع يارب

..............................

الناس الل. تخصصها علوم جالى من الكيمياء العضوية

القشريات والحشرات والكواكب

بالنسبه للتربوى النظريات بياجيه وفرويد وكذا حاجه والاسئله الموضوعي والمقاليه والأهداف والمحتوى

الحاسب الآلى جه اختصارات بسيطه

أصعب حاجه تربوى وتخصص لان مكنتش عامله حسابى ان هيسأله ع التخصص

.........

ومن موقعي هذا احب اقول اني حالا لسه خارجه من الامتحان

ومافيش اي حاجه جت من النت

ضيعت وقتي ع الفاضي

كله من كتب الكليه ياجماعه

ربنا معاكوا

تعديل للناس اللي بتقول انا رميت الكلام وجريت

جالي عن الغزوات والدين الاسلامي كتير لاني عربي

جالي عن احمد عرابي

جالي عن خط الاستواء واي القارات اللي بتمر بيه

جالي عن موضع الشاهد ف التخصص اسأله كتير

جالي عن الاستعاره المكنيه

جالي عن الهمزات

جالي ابيات شعر واتسألت مين قالها

جالي عن النظريات السلوكيه والبنائيه ونظريات كتير ف التربوي

الانجليزي كان سهل

الiq كان جميل وسهل خالص

الحاسب كان صعب شويتين تلاته جه من الاختصارات

زي الpdf اختصار لايه

بس الاختيارات ياجماعه جميله ولو ركزتوا هتعرفوا تحلو السوؤال

والوقت ياجمااااااعه

الوقت

كتبته ٣، مرات تأكيد ان الوقت حقيقي بيسابقك ومنافس جدا ف الموضوع

ده اللي انا فكراه

.....

يجماعه انا من الناس اللي امتحنو النهارده انا اساسي علوم جالي كل حاجه كنت بخدها ف الكليه من السلوكيات والتعليم والتعلم حتي العلوم من كتب الكليه والورق اللي ذاكرنا منه ده اللي منزلينه ع النت بيجي منه ف الامتحان بس اسئله تكاد لا تذكر

.......

نا امتحنت تخصص انجلش( كله اختر)

اسئلة التخصص انجلش ٧٠ سؤال ٢٠ وبعد كده ٥٠ والباقي كله عربي

بالنسبة للامتحان بيبدأ بأسئلة سهلة جدا عن شخصيتك وفيه اسئلة بتتكرر بس بطريقة مختلفة

فيه اسئلة في الحاسب الآلي معظمها او كلها عن الاختصارات وكمان اسماء الملفات ع الكمبيوتر

فيه اسئلة iq بيجيب شكل ويسئلك الشكل المماثل ودى رخمة جدا وبعدين اكمل الشكل الناقص ودي محتاجه تركيز عالي

انا مفيش رياضة جاتلي خالص معرفش باقي الناس ايه نظامهم

وياريت تخلوا بالكم من الوقت كويس جدا الوقت بيعدي بسرعة فيه اسئلة سهلة واسئلة محتاجه وقت وتفكير

ربنا يوفق الجميع